એક તફાવત છે તારી ને મારી વચ્ચે,
હું હું છું ને તું તું છો તે બારી વચ્ચે.
ખોટે ખોટા હડફેટે આવી ગ્યા લોકો,
તારી ને મારી એ મારામારી વચ્ચે.
બોલો હસતું ફુલ પણ આજે કરમાઈ ગ્યું
ભણતરના ભારો આપી,એ આરી વચ્ચે.
છંદો શીખ્યા પણ શેરીયત ના આવી લ્યો,
ને શબ્દો પણ આજે તાનારીરી વચ્ચે.
છે શબ્દો એવા કે માણસને બદલી દે,
ગીતાને રાખે લોકો અલમારી વચ્ચે.
આમ જ "દીપક" થઇને હું રોજે બળતો તો
ખુદને જલતો રાખ્યો બેદરકારી વચ્ચે.
Loading comments…