બૂઠાં પડે તમારાં વાક્યો ને શબ્દો,

હું તો મૌનની ધારદાર તલવાર છું.

રાખો તમે મંતવ્યો તમારા ખુદની પાસે,

હું તો ખુદના બહુમતની સરકાર છું.

બાંધી ન શકો કોઈ બેડીમાં મને,

હું તો અગણિત, અકળ આકાર છું.

અપાર શક્તિને પચાવીને શાંત રહે,

હું બસ તે જ વાવાઝોડાનો પ્રકાર છું.

નકશો મારો શોધવા ન મથશો તમે,

હું તો ચંદ્રનો વણખેડ્યો વિસ્તાર છું.

હું જ એક છું, હું જ અનેક હજાર છું,

અશક્ય બનાવે શક્ય, હું તે જ ચમત્કાર છું.