વિચારોના વમળ પ્રસરીને મન થાય છે શાંત.
જળના તરંગો વિસ્તરીને જળ થાય છે શાંત.
તમામ ક્રોધનો અંત આખરે સુલેહને શાંતિ,
દલિલોના અંતે પણ વાણી થાય છે શાંત.
ભટકતું મન ન પામી શકે પતંગાવત્ બનીને,
વિચારશૂન્યતામાંહે અનુભવાય છે શાંત.
અશાંત મન કલહ કજિયાને એ નોતરનારું,
ફરીફરીને કેટકેટલું આખરે થાય છે શાંત.
મંત્ર-જપ,સ્તુતિ- સ્તવનો કે કર્મકાંડ વિધિમાં,
અંતમાં આવે છે શાંતિ: શાંતિ: શાંતિ: શાંત.
Loading comments…