આજે છાપામાં આવ્યો છે વરતારો,

આજનો દિવસ બહુ ભારે છે તમારો,

જાણે દાઝ કાઢવાં જીવનની બધી,

વિચારે કોઈ, કોનો કાઢું હું વારો?

હસતાં રમતાં જ નીકળી જાત જો,

છાપાં સાથે ન પડ્યો હોત પનારો,

વાંચીને વાતાવરણ થયું સોગિયું,

કેવો આ માથે બાંધી બેઠો રે ભારો

મળવા આવ્યા મિત્રો, જેવી પડી ખબર,

ભવભવનાં ભેરૂ મારાં, મારો સાચો સથવારો,

અલ્યા ડોબા, ચશ્માં ચઢાવીને વાંચ જરા,

છાપું નથી આજનું, જૂનો છે આ ચારો,

હાશ બચ્યાં, ઘાત ગઈ, મિત્રોની મુલાકાતથી,

ચારેકોરથી ઘેરી વળ્યાં ને થયો હાશકારો,

છાપું એજ, તારીખ પણ સાચી, જ્યારે ચકાસી

મુલાકાત મિત્રોની, બદલી ગયાં નજારો..

બદલી ગયાં વરતારો.