આશા સવારે રસોડામાં કામ કરતી હતી અને પિયુષે બેઠકરૂમમાંથી કહ્યું કે આશા ઉતરાયણ પર્વ નિમિત્તે તારે જે જોઈતું હોય એનું લિસ્ટ બનાવી દે, ચલ તને સાંજે બજારમાં જઈને લઈ આપું..

આ સાંભળીને આશા હરખનાં આંસુ સારી રહી. લગ્ન જીવનને પાંત્રીસ વર્ષનાં વહાણાં વહી ગયા હતા ત્યાં સુધી આશા મનમાં આશા રાખતી કે કોકવાર પિયુષ એને કહે કે તારે શું જોઈએ છે અને આજે અચાનક આટલાં વર્ષોમાં પહેલીવાર પિયુષે કહ્યું કે તારે શું જોઈએ છે આશાની ખુશીનો પાર જ ન રહ્યો.