સમજોતા એક્સપ્રેસ

સમજોતા એક્સપ્રેસ એટલે ફક્ત ટ્રેન જ નથી પણ બે પાડોશી દેશો વચ્ચેનાં ભાવનાત્મક જોડાણની અનુભૂતિ પણ છે. એક પ્રોગ્રામમાં ભારત અને પાકિસ્તાનને જોડતી એકમાત્ર ખુબસુરત કડી એવી સમજોતા એક્સપ્રેસને લઈને બંને દેશોના લોકો સાથે જોડાયેલી ભાવનાત્મક અને રસપ્રદ માહિતીઓ જાણવા મળી. મને જે અનુભવ થયો એ એટલો બધો સંવેદનશીલ હતો કે એને શબ્દોમાં તો હું ભાગ્યે જ ઉતારી શકીશ. એક કલાકનો શો જોયાં બાદ મેળવેલ અનુભવનો રસ એટલો બધો રોચક અને લાગણી સભર હતો કે, ખરેખર બે અલગ અલગ દેશો, પણ એક જ સરખી સંસ્કૃતિ વાળા દેશોમાં રહેતા સામાન્ય માણસોને સરહદ સાથે કાંઇ જ લેવા-દેવાં નથી. તેઓ તો બસ પાર્ટીશન બાદ પોતાનાથી વિખુટા પડી ગયેલાં પરિવારની એક જલક મેળવવા માટે પોત-પોતાનાં ભગવાન પાસે પ્રાર્થના કરતા હોય એવું લાગ્યું અને વાસ્તવિક દુનિયામાં એ તમામને ભેગા કરવાનું કામ એટલે સમજોતા એક્સપ્રેસ.