रोज ते बायकोच्या

तोंडाची वटवट

रिकामच केलं लगीन

मागं लावून घेतली कटकट 

लगीन झाल तवा पासून

बायकोन घरात बोलू नायी देलं

आफीसात साहेब अन्

घरात घरगडी केलं

गावच्या पोरीले फटफटीवर

आणाची एक डाव चुकी झाली

रोज पैदल जाण्याची

मंग मायावर बारी आली

पैदल जायाची राजेहो

मले लय्यच शरम येते

साहेब आज असे कसे

चपराशी रोज इचारते

दोस्तायचं झाल म्हणून

म्या बी केलं पटपट

रिकामचं केल लगीन

मागं लावून घेतली कटकट

म्या बी शोधला एक उपाय

लावला बयाच फोन

हलो, हलो, मॉडम मी आहे पैदल

तुमच्याच गाडीन रोज जाऊ आपण

हे सार आयकून बायको झाली बरी

अहो, हे घ्या फटफटीची चाबी

तुमच्या पोटाचा घेर वाढला होता भारी

म्हणून म्या तुमाले कराले लावली पैदलची वरी..