वाचुन बघ एकदा
मी मोकळ्या केलेल्या ओळी
झिरपतात त्याही आनंदाने
दिलखुलास प्रत्येकवेळी
बोलुन बघ एकदा
लिहिलेल्या बोलक्या शब्दांशी
मिसळतील सहज
ओळख जुनीच असल्यासारखी
विचार काही प्रश्न
खोलवर शिरलेल्या उत्तरांना
तडफडतील तेही...उलटसुलट
कुणीतरी स्पर्शावं त्यांना
नाहीतर बघ नुसतच
आधीसारखं..,......
डोळ्यातल्या डोहामधे
तुला खेचुन घेईल कविता आता
आणि सामावून घेईल स्वतः मधे.!!!!!!
Comments
Loading comments…