एकटी पडते मी जेव्हा

तुझी खूप आठवण येते

कुशीत तुझ्या डोकं घालून

खूप खूप रडावे वाटते

नजर लावून बसते मी

वाट तुझी पाहत राहते

प्रत्येक आभास तुझाच समजून

दारातून सतत डोकावून पाहते

जाता येता प्रत्येक क्षणी

वाट तुझीच पाहत राहते

दूर असूनही जवळच आहेस

असे मनाला भास होते

लढता लढता जगाशी

मी ही पूर्णतः थकून जाते

मग अचानक तुझ्या नसण्याची

मला खूपशी उणीव भासते

वाहत राहतात डोळ्यातून धारा

पाणीसुद्धा आटून जाते

आठवणीत तुझ्या एक दिवस

माझीही पापणी मिटून जाते