कालच्या सावल्या 

आज अजूनही तिथंच रेंगाळतायत

त्या बंद दाराजवळ

त्यांच दाराच्या फटीतून

एखादी चुकार तिरीप

आत घुसतेय न्

त्यांच तिरीपीतून

काही शब्द टपकतायत

को-या करकरीत कागदावर 

त्या कागदाला कदाचित 

माहित असावं 

एखादं गुपीत अथवा एखादं मर्म 

त्या सावलीला कळला असावं दृष्टिकोन 

आली असेल जाण भविष्याची

म्हणूनच..

भविष्यातल्या अथांग तरीसुद्धा 

अस्वस्थ समुद्रही त्या दाराजवळ

रेंगाळतोय

आणि 

को-या करकरीत कागदावर 

एखादी भैरवी किंवा विराणी

बनून टपकत असावा

कदाचित ......