लाव डीपीवर आता 

तुझी छायाचित्रे ताजी 

काल समजले मला 

पुन्हा झालीस तु आजी 

आम्ही लाजतो का बघ 

आम्ही मनाने तरूण 

केस काळेभोर मस्त 

घेतो हप्त्याला करून 

वय वाढते मैत्रीणी 

त्याला रोखणे अशक्य 

ताजे मनाला ठेवणे 

हेच तुला मला शक्य 

टप्पा प्रत्येक वयाचा 

त्याला घालू पायघड्या 

झाल्या काळासवे वृद्ध 

विश्वसुंदरीही बड्या! 

मी ना ययाती गं राणी 

चिरतारूण्याचा धनी 

मात्र ठासून भरला 

जोश कसदार मनी