अशी पावसांती तुझी याद आली
सरी आसवांची तुझ्या बाद आली
किनारी किती रे तुझी वाट पाहू
मधे आडवी ती नदी रुंद आली
भिजे पावसांती मने चिंब होता
कशी आज कानी तुझी साद आली
बसे मी निवांती मनी ही अशांती
मनी आठवांची पले धुंद आली
किती पावसाने मला सावरावे
कवाडे मनाची जरी बंद आली
कशी थांबवू मी प्रशांत सागराला
छळाया मला ती लाट मंद आली
गती आसवांची जरा ओसरावी
तशी पावसाची गती मंद आली
किती पावसाने मला येत काटे
मनातील पेटून बारूद आली
Comments
Loading comments…