राधा गौळण आली सजुन

पाही वाट पंढरीस जाऊन

टाळ मृदंगा चा चाले गजर

दिंड्या पताका वैष्णव जागर

विठ्ठल नामाचा दाटे महापुर 

चन्द्र भागा काठी बसली रुसुन

वाळवंटी आले झड वारकरी

स्नान करुनी नाम भाळावरी

सजल्या पताका रुळे खांद्यावरी

पाही राधा नयनी निरखुनी

अवचित आला तिथे वासुदेव

 नमस्कार करिती भक्त सदैव 

  भाळी मोरपीस सांगु लागला भाव

बावरली राधा अश्रु आले नयनी

अलगद तिला दिसला तोच शेला

कटीत टी होता सुवर्ण मेखला

कटी वरचा पावा गेला सांगुनी

विसावली राधा प्रेमे अलिंगनी