फुलासारखा कोमल असतो,

     हसत हसत जीवन समजावतो.

     नदीप्रमाणे प्रवाही दिसतो, 

     वाऱ्याप्रमाणे धाडसी भासतो

 अन् सांगेल का कुणी गुरू काय असतो ?

     सूर्याप्रमाणे तेजस्वी दिसतो. 

     मुंगी प्रमाणे उद्योगी असतो,

     शिष्याला देव मानुन बसतो,

     त्यांच्याच यशात आनंद शोधत बसतो.

 अन् सांगाल का कोणी गुरु का असतो ?

     साधू प्रमाणे निरपेक्ष दिसतो,

     चंद्राप्रमाणे शीतल भासतो.

     अन् विचार त्याचा नेक असतो,

      चुकल्या माकल्यांचा आधार असतो

अन् सांगाल का कुणी गुरू काय असतो ?

    कर्णाप्रमाणे उदार दिसतो,

    अमृता होऊनही पवित्र भासतो. 

    झाडाप्रमाणे आत्मंयदाता असतो,

    तर सागराप्रमाणे गंभीर दिसतो.

  अन् सांगाल का कोणी गुरु काय असतो ?