तू अबला तू सबला

तू लक्ष्मी तू सरस्वती

तू बाई तूच आई

तूच अर्धांगिनी तूच सत्यवती--1

माया, ममता, दया,

करुणेचा सागर तू

संसार सागराची नौका

पार करण्याचा आधार तू--2

कधी आजी, आई, पत्नी ,बहीण

तर कधी वीज कडकडणारी

कधी शांत कधी प्रेमळ तर कधी

शिस्तप्रिय ,समजून सांगणारी---3

वडिलांच्या घरात परी लाडकी

कधी आपल्याच घरात परकी

कधी झिजते चंदनासारखी

कधी फुंकर मनावर हलकी---4

तुझ्याशिवाय नाही अग,

घराला घरपण,दाराला शुभ तोरण

घरात लक्ष्मीच्या पावलान तुझ येन

सुख दुःखात माझ्या आनंदानं सामील होणं----5