तू जवळ असतेस
तेव्हाच काहीतरी सुचते
अन् मी बसतो लिहीत
त्यावेळी तू नाराज होतीस
माझ्याकडे लक्ष नाही तुमचे
म्हणत रुसून बसतेस
मला ही सुचलेलं लगेच
लिहावंसं वाटतं
आता सुचलेलं नंतर
लक्षात नाही राहतं
आज जवळ नाहीस तू
भरपूर मोकळा वेळ आहे
पण वेड्या मनाला आता
काही सुचतच नाही
माझं काही लिहिणे होत नाही
तू रुसलीस तरी चालेल
माझ्याजवळ तू असावं
मला नवीन काही सुचावं
Loading comments…