ହେମନ୍ତର ଆଗମନେ

ପଡ଼ିଲାଣି ଶିଶିର ,

ଋତୁରାଜ ଭାଇ ଇଏ

ଖରା ଶୀତ ମିଶିର ।

କ୍ଷେତମାଳେ ଧାନପାଚି

କେରିକେରି ଝୁଲୁଛି ,

ଚାଷୀଭାଇ ମନଟା ତ

ଆନନ୍ଦରେ ଫୁଲୁଚି ।

ଗଜଲକ୍ଷ୍ମୀ ପୂଜା ଆଉ

ଦୀପାବଳି ପରବ ,

ବଡ଼ଓଷା ,ମାଣବସା

ପରା ଆମ ଗରବ ।

ବୋଇତ ବନ୍ଦାଣ ସହ

ଯେ ପ୍ରଥମାଅଷ୍ଟମୀ ,

ଆଣିଦିଏ ଆମ ଲାଗି

ଆନନ୍ଦର ବେଷ୍ଟନି ।

ଧିମା-ଧିମା ଖରା ସାଥେ

ଥିରିଥିରି ଶୀତଟି ,

ସାଜିଥାଏ ଆମଲାଗି

ସତେ ଯେହ୍ନେ ମିତଟି ।

ୠତୁରାଜ ଭାଇ ଯେଣୁ

ଆଣେ ସୁଖ ପସରା ,

ଯେତେ କହିଲେ ତା' ଗୁଣ

ରହିଯିବ ଅସରା ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।