ମୋ ଭାଗ୍ଯରେ ସଂଯୋଗ ଘଟିଲା

ଅଫିସର ଫାଟକ ସାମ୍ନାରେ

ତୁମସହ ମୋର ଶେଷ ଦେଖା

ମୋର ବିଦାୟ ବେଳାର ଲୋତକ

ଆଜି ସବୁ ସ୍ମୂତି ପାଲଟି ଯାଇଛି ।

ଚାହୁଁ ଚାହୁଁ ତିରିଶଟି ବସନ୍ତ ସରିଗଲା

ମାତ୍ର ତିରିଶଟି ଦିନ ପରି ଲାଗୁଛି

ତୁମସହ ଅଫିସରେ ବିତିଥିବା

ସେ ଅଭୁଲା ଦିନ ସବୁ 

ତୁମେ ମୋତେ କହିଗଲ

ଆଉକଣ ଫେରି ଆସିବ ସେ ଦିନ ?

ତୁମେ ଗଲାବେଳେ ନେଇଗଲ

ଜୀବନର ଯେତେ ସବୁ ହସ ଖୁସି

ନିଜର ମନ ଭରା ସବୁ କଥା 

ରହିଗଲା ଅଫିସର ଚାରିକାନ୍ଥ ଭିତରେ

ଆଉ ସେଦିନ ଫେରିବନି

ତୁମେ ଉପହାର ସୂରୁପ ଦେଇଥିଲ

କେବଳ ହସ ଦୁଃଖର ଅସରା ଲୁହ

ତିରିଶ ବସନ୍ତ ସରିବାପରେ

ମୁଁ ବାଟବଣା ଯାଯାବର ପାଲଟିଛି ।

କାହା ସାମ୍ନାରେ କହିବିନି କେବେ

ତୁମେ ମୋ ସହ ଦେଖାର ପ୍ରଥମ ସ୍ମୁତି

ଭାବିନେବି ତୁମସହ ଦେଖାର

ମୋ ଜୀବନର ଏକ ସଂଯୋଗ

ମୁଁ ଆଜି ଅବୁଝା ପ୍ରେମିକ

କଳଙ୍କିତ ଦିଗହରା ନାୟକ

ତଥାପି ମୁଁ ଅଫିସର ଫାଟକକୁ ଚାହିଁ

କରିଛି ଅପେକ୍ଷାରେ

ପୁଣି କେବେ ଦେଖି ହୋଇପାରେ

କିଛି ସମୟ ପାଇଁ ।