ଜଗତ ଜନର ନାଥ ହେଲ ବୋଲି
ନାମ ହେଲା ଜଗନ୍ନାଥ
କ୍ଷୁଧା ନିବାରଣ କରି ସଭିଙ୍କର
ବାଣ୍ଟିଲ ଅଭଡା ଭାତ
ଆଙ୍ଗୁଠିରେ ଗିରି ଟେକିଥିଲ ବୋଲି
ନାମ ଗିରି ଗୋବର୍ଦ୍ଧନ
ସଙ୍କଟୁ ଉଦ୍ଧାରି ଗୋପବାସୀଙ୍କର
କିଣି ନେଇଗଲ ମନ
ନାଭିରୁ ତୁମର ପଦ୍ମ ଜାତ ହେତୁ
ନାମ ଅଟେ ପଦ୍ମନାଭ
ଅନାଥର ତୁମେ ଠିକଣା ପ୍ରଭୁ ହେ
ଅଭାବର ତୁମେ ଭାବ
ଲକ୍ଷ୍ମୀଙ୍କର ସ୍ୱାମୀ ପ୍ରଭୁ ହେ ଗୋସ୍ୱାମୀ
ନାମ ତୁମ ଲକ୍ଷ୍ମୀକାନ୍ତ
ତୁମେ ନିରାମୟ ଅସୀମ,ଅଭୟ
ନାହିଁ ତୁମ ଆଦିଅନ୍ତ
ଅନ୍ତର ବେଦନା ଜାଣୁଅଛ ବୋଲି
ନାମ ନେଲ ଅନ୍ତର୍ଯ୍ୟାମୀ
ଦୁଃଖର ସାଗରୁ ପାରିକର ବୋଲି
ତୁମେ ତ ଜଗତ ସ୍ୱାମୀ
ସହସ୍ର ସୁନ୍ଦର ନାମଧାରୀ ପ୍ରଭୁ
ତୁମେ ତ ଅମୂଲ୍ୟ ସମ
ଲେଖିବାକୁ ନାହିଁ କଲମେ ଶକତି
ମୁହିଁ ତ ଛାର ଅଧମ
Loading comments…