ଅନେକ ଦିନ ହେଲା ଗାଁରେ
ଆଉ ନାହିଁ ସେହି ଢିଙ୍କିଶାଳ
ଢିଙ୍କିଶାଳ ଥିଲା ଭାରି ପ୍ରିୟ ବୋଉର
ବୋଉ ଓ ଅନ୍ୟ ଭୂଆସୁଣୀଙ୍କର
ଦୁଃଖ ସୁଖର ଏପାଖ ସେପାଖ
ହାନିଲାଭ ର ଟୁପୁରୁଟାପର
ଘର କାମର ହିସାବ ନିକାଶ
ଥିଲା ସେହି ଢିଙ୍କିଶାଳ।।
ଢିଙ୍କିଶାଳ ଥିଲା ଭଲ ବ୍ୟାୟାମର ସ୍ଥଳ
ଭାଉଜ ନଣନ୍ଦ ଶାଶୁ ବୋହୁ ସବୁ
ଆଦରି ଥିଲେ ସେ ଢିଙ୍କିଶାଳ।।
ଡିଜିଟାଲ ଓ ଆଧୁନୀକତାର
ଯାନ୍ତ୍ରିକ ବ୍ୟବହାର ଓ ଚାଲିଚଳଣିରେ ହଜିଯାଇଛି
କାଠ ତିଆରି ଢିଙ୍କିଶାଳ
ସେହି ଦିନର ସବୁ ପରିଶ୍ରମ
ଭାତ ପାଇଁ ଧାନ କୁଟା,
ମଣ୍ଡାପିଠା ପାଇଁ ଚୁନାଚାଉଳ କୁଟା
ଢିଙ୍କିକୁଟା ଅକାଣ୍ଡିଆ ନାଲି ଚାଉଳର ଭାତ
ଲାଗୁଥିଲା ଭାରି ମିଠା।।
କୁଆଡେ ଗଲାଣି ସେହି ଢିଙ୍କିଶାଳ
ସ୍ବାସ୍ଥ୍ୟ ପାଇଁ ଭଲଥିଲା ନାଲି ଚାଉଳର ଭାତ
ଏବେ ତ ଗାଁରୁ ସହର ଭଲପାଉଛନ୍ତି
ଭିନ୍ନ ପ୍ରକାରର ଚିକ୍କଣ ଓ ସଙ୍କର ଚାଉଳ
ପୁରୁଣା ପରମ୍ପରା, ଚାଲିଚଳଣି ସବୁ ହଜିଗଲାଣି
ଡିଜିଟାଲ ଓ ଆଧୁନୀକତାର ଅବାସ୍ତବତାରେ
ମୁହଁ ଫେରାଇବା ସମ୍ଭବ ହେବନି
ବରଂ ଭଲଥିଲା ବୋଉର
ସେହି ଧାନକୁଟା ଢିଙ୍କିଶାଳ।।
Comments
Loading comments…