ହଲି ହଲି ଚାଲେ ବିମାନ

    ସାଂଗେ ଗଉଡ ପୁଅ

ଝୁଲି ଝୁଲି ଖେଳ ଖେଳନ୍ତି

    ରାଧା ଗୋବିନ୍ଦ ଦ୍ବୟ ।।

ଉଗାଳ ଉଗାଳେ ଗଉଡ

    ଖେଳି ଲଉଡି ଖେଳ

ଆମ୍ବ ବଉଳର ବାସରେ

    ମାନି କରୋନା କାଳ ।।

ସାତ ରଂଗେ ସାତ ଅବିର

    ମୁଣ୍ଡେ ହୁଅନ୍ତି ବୋଳି

କି ସୁନ୍ଦର ଆହା ଦିଶନ୍ତି

    ରାଧା ଗୋବିନ୍ଦ ମେଳି।।

ବସନ୍ତ ମଳୟ ବହଇ

    ଦିଗୁ ଦକ୍ଷିଣା ଦେଇ

କୁହୁ କୁହୁ ତାନ ଶୁଭଇ

    କୁଞ୍ଜେ କୋଇଲି ଗାଇ ।।

ଗୋବିନ୍ଦ ଦର୍ଶନେ ମୁକତି

     ବିଷ୍ଣୁଲୋକ ପ୍ରାପତ୍ତି

ବସନ୍ତେ ଓହ୍ଲାନ୍ତି ବାସନ୍ତି

     ଦୂର୍ଗା ରୂପେ ଦିଶନ୍ତି ।।

ରଥେ ତୁ ବାମନଂ ଦୃଷ୍ଟା

  ଦୋଳେ ଚ ଦୋଳଗୋବିନ୍ଦ

ଚାପେ ଚ ମଧୁସୂଦନଂ

   ହରିବୋଲରେ ସର୍ବାନନ୍ଦ ।।