ଦୁଇ ନିଆଁର ଦୁନିଆଁରେ
ସବୁ ମିଛ ନିଆଁ ପାଣି ପବନ ଛାଡି
ମିଛ ଦୁନିଆଁରେ ବଞ୍ଚିବା ମୁସ୍କିଲ
ପିତା ମାତାଙ୍କୁ ଦିଅନ୍ତି କିଏ ବି ତଡି
ମିଛ ଦୁନିଆଁରେ କିଏ କାହାର ଏଠି
ସ୍ୱାମୀ ଦିଏ ସ୍ତ୍ରୀକୁ ପଡି
ମିଛ ଦୁନିଆଁରେ ସନ୍ତାନ ନୁହେଁ ମାଆର
ପାଗଳ ବୋଲି ପୁଅ ପାଦରେ ବେଡି
ମିଛ ଦୁନିଆଁରେ ବନ୍ଧୁ ହୁଏ ସ୍ୱାର୍ଥପର
ପର ବୁଦ୍ଧିରେ ପଡି
ମିଛ ଦୁନିଆଁରେ କନ୍ୟା ହୁଏ ପର
ବାନ୍ଧି ନୂଆ ସମ୍ପର୍କ ଦଉଡି
ମିଛ ଦୁନିଆଁରେ ବାଟବଣା ଏ ମଣିଷ
ହୋଇ କରମ କୋଢି
ମିଛ ଦୁନିଆଁରେ ଗୋଟିଏ ସତ
ଯିବ ବିଞ୍ଚି ବିଞ୍ଚି ଖଇ କଉଡ଼ି
ମିଛ ଦୁନିଆଁରେ ଏକମାତ୍ର ସତ୍ୟ
କର୍ମଫଳ ଥିବ ସାଥେ ଜାବୁଡି
ଆସିଅଛେ ଏକା ଚାଲିଯିବା ଏକା
ମଥା ପିଟୁଥିବ ସମୁଦ୍ର ଲହଡି
ମିଛ ଦୁନିଆଁରେ ମହାଭାରତ ରାମାୟଣ
ବାଟ ଚାଲିବାକୁ ସତ୍ୟର ପେଡି
ମିଛ ଦୁନିଆଁରେ ଜୀଇଁବାକୁ ହେଲେ
ମଣିଷପଣିଆ ନଦେବା ଛାଡି
ମିଛ ଦୁନିଆଁରେ ଚିରନ୍ତନ ସତ୍ୟ
ଜଗନ୍ନାଥ ଏକା ଅନ୍ଧ ଲଉଡ଼ି l
Comments
Loading comments…