ଭିକ ମାଗିବିନି ହାତ ପାତିବିନି    

 କାହାରି ଆଗରେ ଯାଇ

କର୍ମ କରୁଥିବି ଖଟି ଖାଉଥିବି

ଯେତେଦିନ ବଞ୍ଚିଥାଇ

ଭିକ ମାଗିବାଟା ହାତ ପାତିବାଟା

କର୍ମକୋଢ଼ିଆଙ୍କ କାମ

କର୍ମକୋଢି ହୋଇ ବଞ୍ଚିବା ଅପେକ୍ଷା

ଡାକି ନେଇଯାଉ ଯମ

ଜନମ ନେଇଛି ଏ ଧରାଧାମରେ

କର୍ମ କରିବାର ପାଇଁ

ଜଗତର ନାଥ ସବୁ ରଖିଛନ୍ତି

କିମ୍ପାଇଁ ଡରିବି ମୁହିଁ

କର୍ମ କରୁଥିବି ଖଟି ଖାଉଥିବି

ମୂଳମନ୍ତ୍ର ମୋର ଏହା

କାହାରି ଆଗରେ ହାତ ପାତିବିନି

ଜଗନ୍ନାଥ ମୋର ସାହା

ଜଗତର ନାଥ ଆହେ ଜଗନ୍ନାଥ

ଅଳି କରୁଅଛି ମୁହିଁ

ମୁଁ ମଲା ବେଳକୁ ସହାୟକ ହେବ

ପର କରିଦେବ ନାହିଁ,,