ହୁତୂ ହୁତୂ ଜଳୁଥିବା ଚୁଲି
ମଶାଣିରେ ଜଳୁଥିବା ଜୁଇ
ମନରେ ଉଠୁଥିବା ନିଆଁ
ଅବା ପେଟ ଭୋକର ଜ୍ବାଳା
ସେଥିରେ କୋଣ ବାଛବିଚାର
ଦହନହିଁ କେବଳ ସାର
ଅବଶେଷରେ ମିଳେ
ମୁଠାଏ ଅବାଞ୍ଛିତ ପାଉସ
ସବୁ ସମୟ ଚକ୍ରର ଖେଳ
ଅପ୍ରାପ୍ତି ମୋହରେ ଜର୍ଜରିତ
ଅବିଶ୍ୱାସର ଜତୁ ଘର
ହସ୍ତ ପ୍ରସାରି ବସିଥାଏ
ଆଲଙ୍ଗି ନେବାକୁ ଅହରହ
କାମନା , ବାସନାର ନିଆଁ
ସେଥିପାଇଁ ଦେବାକୁ ପଡିଥାଏ
କେତେଯେ ଅଗ୍ନି ପରୀକ୍ଷା
କ୍ଷଣ ଭଙ୍ଗୁର ସଂସାରରେ
ସବୁ ମୋହମାୟାର ଖେଳ
କେହି ଭେଦି ପାରିନାହିଁ
ଜନ୍ମ ମୃତ୍ୟୁର ଗୂଢରହସ୍ୟ
ମହାକାଳର ଲେଲିହାନ ନିଆଁ
ଶେଷରେ ଜାଳିଦିଏ ସବୁକିଛି
ରହିଯାଏ କେବଳ ମଶାଣିର ଜୁଇ
"ରାମ ନାମ ସତ୍ୟ ହେ" ଧ୍ବନି
Comments
Loading comments…