ମୋର୍ ରସିଆ କହିଥିଲେ କାଲି
ଆଏବେ ପରେ ଆଜି
ଧକ୍ ଧକ୍ କରି ଧଡ଼କୁଛେ ଛାତି
ବାଟ୍ ଦେଖୁଛେ ହେଇ ସାଜି
ପରୁର୍ କହି ଥିଲେ ଆଏମି ବଲି
ହେଲେ ନାଇଁ ପାରଲେ ଆସି
ଏସୁର ଯଦି ହେନ୍ତା କରବେ
ଜିମି ନ ମୁଇ ୠଷି
ଗୁଟେ ଗୁଟେ କରି ମନେ ପଡୁଛେ
ତାକର ସାଙ୍ଗେ ବିତାଲା କଥା
ହସି ମଜାକ ଲାଡ଼ ଗେଲ କରି
ଆଘୋ କରୁ ଥିଲେ ଯେନ ଅଥା
ବାଟ୍ ଦେଖୁଛେ ଆସୁଛନ୍ ବଲି
ଲାଗୁଛେ ବଢ଼େ ଗହକି
ବଡା ଦିନୁ ନାଇଁ ଦେଖି ତ
ମୋର୍ ମନ ଜଉଛେ ବହକି
ଇଛନ ଆଏବେ ମୋର୍ ଧନ
ଲାଗୁଛେ ଗୁର୍ଦୁ ଖୁସି
ବାଟ୍ ଦେଖୁଛେ ଉସତ ମନେ
ବାଟ୍ ଦୁଆରେ ବସି
Loading comments…