କହୁଥିବା ସବୁ କଥା କାମରେ କରିବ
ତେବେ ସିନା ବୀର ବୋଲି ବାହାବା ମାରିବ
ବଡ଼କୁହା ହୋଇ ଖାଲି ଭାଷଣ ମାରିଲେ
ସମାଧାନ ହୁଏ ନାହିଁ ଅପବାଦ ମିଳେ
ରାଣ ଦେଇ ପ୍ରତିଶ୍ରୁତି ସମସ୍ତେ ଦିଅନ୍ତି
କହ ମତେ କିଏ କେତେ ପୂରଣ କରନ୍ତି
ଜାଣିନ କି ଅବେଳରେ ମରଣ ହୋଇବ
ସଞ୍ଚିଥିବା ଧନ ସବୁ ପର ହସ୍ତେ ଯିବ
କହିବନି କଟୁକଥା କାହାକୁ ବି କେବେ
ସହିଗଲେ ସରେନାହିଁ ସମ୍ମାନ ବି କେବେ
ଆଗପଛ ଭାବି ତୁମେ ବାଟ ଚାଲୁଥିବ
କିଏ ଜାଣେ କେତେବେଳେ ସରଗକୁ ଯିବ l
Loading comments…